Leahne (ons kan nie meer wag nie)

Daar is niks so kosbaar soos ‘n droom bewaar

Soos ‘n diepste begeerte vervul

‘n Verwagting van ‘n sagte lyfie in liefde gehul

Die eerste fladderings van lewe en opgewondheid

Die vol maak van lyf en siel en gees

‘n droom, ‘n hoop, ‘n fladdering word vlees

Sag van die tong rol jou naam Leahne

Jou ma en pa besig om plek in hul lewe vir jou voor te berei

Vir die oomblik as jy jou sagte wolhaar koppie teen hulle harte kom vlei

Ons het lank vir jou handjie om ons vinger gewag

Om Natasha en Stephan van opgewondheid en afwagting te hoor lag

Om te weet wie jy gaan wees omdat jy die sonar se ondersoek so minag

Maar ons harte behoort al klaar aan jou

En kannie wag om jou met al ons liefde en drome te omvou

En jou uiteindelik met ons eie oe te aanskou

Want ‘n droom en verwagting was jy

Van afwagting en heimwee het jy jou ma kom bevry

Om vir altyd en ewig binne ons harte te kom gly